H1N1 တုပ်ကွေးနှင့် ကွန်ပျူတာကီးဘုတ်

ကျွန်တော်သင်္ကြန်မတိုင်ခင်က ဖတ်လိုက်ရတဲ့ သတင်းလေးတစ်ပုဒ်ကို ကျန်းမာရေး ဗဟုသုတအဖြစ် တင်ပြချင်ပါတယ်။ ဂျာနယ်မှာဖတ်လိုက်ရတာလား ၊ မဂ္ဂဇင်းမှာဖတ်

လိုက်ရတာလား မသိတော့ပါဘူး ။ ဒီသတင်းဟာ ကွန်ပျူတာနှင့်နေ့စဉ်ထိတွေ့နေ

တဲ့ လူငယ်များ အထူးလိုက်နာသင့်တဲ့ အချက်များပါဝင်ပါတယ်။ အိမ်သာ

(အနောက်တိုင်းသားများတက်သော အိမ်သာပုံစံ) တက်တဲ့အခါမှာ အိမ်သာရဲ့ဘေး

နှုတ်ခမ်းသားတစ်ဝှိုက်မှာ မျက်စိဖြင့်မမြင်ရသော ဘက်တီးရီးယားပိုးမြောက်များစွာ

တွေ့ရှိရတတ်ပါတယ်။ ယခုနောက်ဆုံးတွေ့ရှိရတဲ့ တွေ့ရှိချက်ကတော့အလွန် ကြောက်စရာကောင်းပါတယ် ။ ကွန်ပျူတာရဲ့ ကီးဘုတ်ပေါ်မှာ တွေ့ရှိရတဲ့ ဘက်တီး

ရီးယားပိုးမွှားပေါင်းဟာ အိမ်သာရဲ့နှုတ်ခမ်းသားတစ်ဝှိုက်မှာ တွေ့ရှိရတဲ့ ဘက်တီး

ရီးယားပိုးမွှားပေါင်းထက် နှစ်ဆပိုများပါသတဲ့။ ဒီသတင်းဖတ်မိတုန်းကကျွန်တော်

လည်း အမှုမဲ့ အမှတ်မဲ့ပါ ။ ဒါပေမယ့် ယနေ့ ကမ္ဘာကြီးမှာ တုပ်ကွေးရောပါကပ်ဟာ

နံပါတ်(၆) အဆင့်ထိရောက်နေပြီဟု (WHO) အဖွဲ့ကကြေငြာရ သည်အထိပြင်းထန်

နေတာကို အားလုံးသိပြီးဖြစ်ပါလိမ့်မယ် ။ ကျွန်တော် တစ်ခုစဉ်းစားမိတာက လူများ

ဟာ ရောဂါပိုးမ၀င်ရောက်စေရန် အတွက် နှာခေါင်းစည်းကို စည်းပင်စည်းထားသော်

ငြားလည်း အများသုံးအင်တာနက် ဆိုင်များမှပြန်လာတဲ့အခါတိုင်း လက်ကိုစင်ကြယ်

အောင်ဆပ်ပြာနှင့် ဆေးရမှာကို မေ့လျော့နိုင်ပါတယ်။ ထို မဆေးဘဲ ထားတဲ့လက်နှင့်

ကော်ဖီ ခွက်ကိုကိုင်တွယ်ခြင်း ၊ အခြားစားသောစရာများကိုကိုင်တွယ်ရာမှ ရောဂါများ

အလွယ်တကူဝင် ရောက်နိုင်ပါတယ် ။ သုတေသနပြုချက်အရ ကွန်ပျူတာကီးဘုတ်

ဟုသာဖော်ပြထားပြီး အင်တာနက်ဆိုင်မှ ကီးဘုတ် ၊ တစ်ဦးချင်းကိုင်သောကီးဘုတ်

ဟုဖော်ပြမထားပါ ။ မြတ်စွာဘုရားရှင်က အသက်ကိုဥာဏ်စောင့် လို့ ဟောပြောခဲ့ပါ

တယ် ။ မိမိသိရှိထားတဲ့ ဗဟုသုတအသိဥာဏ်ကို စဉ်စားဆင်ခြင် ပြီးအသုံးချနေထိုင်

နိုင်ကာမှ သက်တမ်းစေ့ ရှင်သန်နေထိုင်ပြီး လောကီ ၊ လောကုတ္တရာ ကိစ္စများစွာကို

အောင်မြင်စွာ ဆောင်ရွက်နိုင်မှာဖြစ်ပါတယ်။ ထိုကြောင့် ကွန်ပျူတာနှင့် ဆက်နွှယ်

ပြီး အလုပ်လုပ်ကိုင်နေကြသော ၊ အသုံးပြုနေကြသော သူအားလုံးကိုတိုက်တွန်းချင်

ပါတယ်။ ကွန်ပျူတာအသုံးပြုပြီးတိုင်း လက်ကိုဆပ်ပြာနှင့် စင်ကြယ်အောင်ဆေးပါလို့။

အားလုံးကျန်းမာ ရွှင်လန်းစွာဖြင့် လူ့သက်တမ်းစေ့ နေထိုင်နိုင်ကြပါစေကြောင်းဆု

တောင်းလျှက်………..။

(၃၂)ပါးသောကံကြမ္မာ

၃၂-ပါးသောကံ,ကြမ္မာတုိ့မှကင်းလွတ်ရန် လူအချို့ဘုရားရှိခိုးလျှင် ဆုတောင်းတတ်ကြ
တာ ကိုကြားဖူးပါတယ်။ ထို ၃၂ ပါးသောကံကြမ္မာဆိုတာကို အစကမကြားဖူးပါ။
တစ်ရက် ဘုရားစင် ရှိစာအုပ်အဟောင်းများကိုရှာဖွေ ရှင်းလင်းရင်းတွေ့ရှိခဲ့ရပါတယ်။
ထိုကံကြမ္မာတို့ကို၊ အချို့သောငရဲသားတို့ကို၊ ငရဲထိန်းတို့က ပြုလုပ် ညှင်းဆဲခြင်း၊ ကမ္မ
ကရဏ မှုကိုပြုလုပ်ကြ၏ ။ အချို့သောမင်းတို့လည်း၊ ရာဇ၀တ်သားတို့ကို၊ ထိုက်သည့်
အားလျော်စွာ၊ အသုံးချဆုံးမတတ်ပါတယ်။ အချို့သော ညှင်းပန်းမှုများမှာ ဂျပန်ခေတ်
က အပြစ်မဲ့ မြန်မာလူမျိုးများညှင်း ပန်းခံရပုံနှင့် ခပ်ဆင်ဆင်တူပါတယ်။ ဒီဘ၀မှာ
ကောင်းမှုကုသိုလ် မည်မျှပင် လုပ်စေကာမှုအတိတ်က ၀ဋ်ကြွေးမည်မျှ ပါလာတာကို
မည်သူမျှ မသိနိုင်ပါဘူး။ ဘုရားရှင်လက်ထက်ကော ၊ ယနေ့မျက်မှောက်ကောသာဓက
တွေအများကြီးပါ။ တန်ခိုးအရာမှာဘုရားရှင်ပြီးလျှင် အကြီးဆုံးဖြစ်တဲ့ ရှင်မောဂ္ဂလန်
ကိုယ်တော် မြတ်ကြီးဟာ ခိုးသားငါးရာရဲ့ ရိုက်နှက်ခြင်းခံတာမှာ အသားတော် အသွေး
တော်များ အမှုန့်ဖြစ်သွားတာကို ကျမ်းဂန်များမှာဖတ်ခဲ့ရဖူးပါတယ်။ ထို့အတွက်-ကံ,
အလျောက် ၊ ပြုလုပ်ညှင်းပန်းကြသောကြောင့် ကံ,ကြမ္မာ ဟုခေါ်ပါတယ်။ ၃၂-ပါးသော
ကံ, ကြမ္မာ တို့၏သရုပ်အရေအတွက် နှင့်တကွ၊ သဘောအသီးသီးတို့ကို၊ အနည်းငယ်
စီထုတ်နှုတ်တင်ပြပါ့မယ်။ ၄င်းတို့မှာ………..

၁။ အဆူးမရှိသော ကြိမ်လုံးတို့ဖြင့် သွေးယိုစီးအောင် ရိုက်နှက်ခြင်း။

၂။ အဆူးမရှိသော ကြိမ်လုံးတို့ဖြင့် အရေကွာအောင်ရိုက်နှက်ခြင်း။

၃။ (၂-၃-၄)တောင်ပမာဏရှိ ၊ တုတ် ၊ လှံတန်တို့ဖြင့်အသားစုတ်ပြတ်အောင်ရိုက်ခြင်း။

၎။ လက်နှစ်ဘက်ကို ဖြတ်ခြင်း။

၅။ ခြေနှစ်ဘက်ကို ဖြတ်ခြင်း။

၆။ နားရွက်နှစ်ဘက်ကို ဖြတ်ခြင်း။

၇။ နှာခေါင်းကိုဖြတ်ခြင်း။

၈။ နား ၊ နှာခေါင်းကိုဖြတ်ခြင်း။

၉။ လျှာကိုဖြတ်ခြင်း။

၁၀။ ဦးခေါင်းကိုခွာ၍ လောလောပူသော သံတွေခဲကို ဦးနှောက်ထဲ၌ထည့်သဖြင့်
ကျိုက်ကျိုက်ဆူသော ပုံးရေအိုးနှင့် တူသည်ကိုပြုခြင်း။

၁၁။ အထက်နှုတ်ခမ်းနားပန်းဆန်နောက်တိုင်အောင်ဦးရေ ကိုလွှာ၍ ကြမ်းလှစွာ
သောကျောက်ခဲ အိုးကြမ်းတို့နှင့်ပွတ်၍ ခရုသင်းကဲ့သို့ဖွေးဖွေးဖြူသောဦးခေါင်း
ခွံရှိသည်ကိုပြုခြင်း။

၁၂။ သံတံကျင်ဖြင့် ခံတွင်းပေါက်ကိုထောက်၍ခံတွင်း၌ မီးထွန်းလျက် မျက်နှာတစ်ပြင်
လုံးကို ဆောက်ပုဒ်တို့ဖြင့်ထွင်းဖောက်၍ သွေးတို့ကိုခံတွင်၌ စုစေပြီးနေကိုငုံသော
ရဟုခံတွင်းနှင့်တူသည်ကိုပြခြင်း။

၁၃။ တစ်ကိုယ်လုံးကို ဆီရေနံစိမ်သော အ၀တ်ဖြင့်ပတ်၍မီးရှို့လျက်မီးပန်းပဒေသာပြု
ခြင်း။

၁၄။ လက်နှစ်ဘက်၌ ဆီဆွတ် ရေနံစိမ်သောအ၀တ်ဖြင့် ပတ်၍ မီးရှူးကဲ့သို့ ထွန်းညှိ
ခြင်း။

၁၅။ ခါးမှစ၍ အရေလွှာကိုပိန်းမြက်ရွက်ကဲ့သို့ ခြေမျက်စိသို့ရောက်အောင်ခွာချ၍မြေ၌
စုပုံစေပြီးလျှင် လက်စသည်တို့၌ ကြိုးဖြင့်ချည်၍ ထိုမှဤမှဆွငင်၍ပြေးကြကုန်၏။
မိမိတို့အရေကိုနင်းမိ၍အဖန်ဖန်လဲကျစေသည်ကိုပြုခြင်း။

၁၆။ ထို့အတူ လည်ပင်းမှစ၍ခါးသို့ရောက်အောင် အရေလွှာတို့ကို ခွာချ၍ လျှော်တေ
အ၀တ်ကိုစွပ်ထားသကဲ့သို့ပြုခြင်း။

၁၇။ တတောင်ဆစ်နှစ်ဘက်၊ ပဆစ်ဒူးနှစ်ဘက်တို့၌ သံကွင်း၊သံခြေကျင်းတို့ဖြင့်လျှိခပ်
၍သံချောင်းနှက်ပြီးသော် ဧဏီမည်သောသားကောင်ကဲ့သို့ လေးဘက်တွားသွား၍
နေစေပြီးမှ မီးတို့ကိုပတ်လည်၌ ထည့်၍မြှိုက်ကုန်၏။

၁၈။ သင်္ဘောသီး၊သခွားသီးတို့ကို စဉ်းကောစဉ်းသကဲ့သို့ သံမြားချိတ်တို့ဖြင့် တစ်ကိုယ်
လုံး၌ အရအသားတို့ကို အမျှင်ချိတ်ငင်ယူခြစ်ကုန်၍ အရိုးများကျန်သည်ကိုပြခြင်း။

၁၉။ ထက်လှစွာသောဓား၊ပဲခွပ်တို့ဖြင့် ခြေဖမိုးမှစ၍ တစ်ကိုယ်လုံး၌အသားတို့ကို တစ်
ကျပ်သား တစ်ကျပ်သားခန့်လှီးဖြတ်သည်ကိုပြုခြင်း။

၂၀။ အသားကို ဓားလှံတို့ဖြင့်ထိုးဆွ၍ ဆားမံခြင်း၊ဓားမွှန်းခြင်းတို့ကိုပြုခြင်း။

၂၁။ အတစ်ဘက်စောင်းအိပ်ပျော်စေလျက်၊ အထက်နားပေါက်မှအောက်နားပေါက်ကို
ဖောက်ထွင်း၍ မြေသို့ဝင်အောင် သံတံကျင်ကိုစိုက်နှက်ပြီးလျှင်ဆုံလည်အောင်
လှည့်သည်ကိုပြခြင်း။

၂၂။ အသားအရေတို့ကို မစုတ်မပဲ့စေမူ၍ တစ်ကိုယ်ရှိအရိုးတို့ကို မွမွကျေအောင်ထုချေ
၍ ဆံပင်မှကိုင်ကာခါလိုက်သည်ရှိသော် အရိုးတို့ကိုအကုန်ထွက်ကျစေလျက် အ
သားစုချည်းသက်သက်ကျန်စေပြီးမှကောက်ရိုးစုပမာ ရှိသည်ကိုပြုခြင်း။

၂၃။ ကြိုက်ကြိုက်ဆူသော ဆီဖြင့်သွန်းလောင်းခြင်း။

၂၄။ နှစ်ရက်သုံးရက်အငတ်ထားသော ခွေးဆိုးခွေးကြမ်းကြီးတို့ကို ကိုက်ခဲစေခြင်း။

၂၅။ အရှင်လတ်လတ် တံကျင်လျှိခြင်း။

၂၆။ သံလျက်ဖြင့် ဦးခေါင်းကိုဖြတ်ခြင်း။

၂၇။ လောလောပူသောသံတံသင်းဖြင့်လက်ဝဲလက်၌ စိုက်နှက်ခြင်း။

၂၈။ လောလောပူသော သံတံသင်းဖြင့်လက်ျာလက်၌စိုက်နှက်ခြင်း။

၂၉။ လောလောပူသော သံတံသင်းဖြင့်လက်ဝဲခြေ၌စိုက်နှက်ခြင်း။

၃၀။ လောလောပူသော သံတံသင်းခြင့်လက်ျာခြေ၌စိုက်နှက်ခြင်း။

၃၁။ လောလောပူသော သံတံသင်းဖြင့်ရင်လယ်၌စိုက်နှက်ခြင်း။

၃၂။ ဓားမတို့ဖြင့် ရွေခြင်း၊ ခုတ်ခြင်း၊ စင်းခြင်း၊ ပိုင်းဖြတ်ခြင်း။


စသည်တို့ဖြစ်ပါတယ်။ ပုထုဇဉ်ဘ၀နဲ့သေရင် ဒီလိုဘ၀မျိုးတွေ ရောက်နိုင်သေး
တဲ့အတွက်စိတ်မချရသေးပါဘူး။ ထို့ကြောင့် ဘုရားရှင်ရဲ့ အဆုံးအများခံယူ
လိုက်နာကျင့်သုံးခွင့်ရတဲ့တန်ဖိုးရှိသောအချိန်များကို မဖြုန်းတီးပစ်ကြဖို့ လူငယ်
များကိုတိုက်တွန်းလိုက်ရပါတယ်။

အရိယာနွယ်ဝင်သိကြားမင်းအား ဟာသလုပ်ခြင်းအပြစ်

ကျွန်တော် လွန်ခဲ့တဲ့ရက်အနည်းငယ်က ကာတွန်းလေးတစ်ပုဒ် ဖတ်လိုက်ရပါတယ်။

သိကြားမင်းကို ဇာတ်ကောင်ထားပြီး ဟာသလုပ်ထားတဲ့ တစ်ကွက်ကာတွန်းလေးပါ။

ရုတ်တရက်ကြည့်ရင် ရယ်စရာလို့ထင်ရပေမယ့် အလွန်ကိုကြောက်စရာကောင်းတဲ့

အပြုအမူကြီးပါ။ နားရှုပ်သွားမလားမသိဘူး။ ဒီလိုပါ ၊ “မဖြစ်ဖူးသောဘ၀ မတော်ဖူး

သောဆွေမျိုးမရှိ” လို့ဘုရားရှင်ကဟောကြားထားတာ ရှိပါတယ် ။ ဒီသတ္တလောကမှာ

ရှိတဲ့ သတ္တ၀ါတိုင်းဟာ မဖြစ်ခဲ့ဖူးသောဘ၀ဟူ၍မရှိပါဘူး။ အနိမ့်ဆုံး ငရဲ ၊ တိရိစ္ဆာန် မှ

စ၍ အမြင့်ဆုံးစကြ၀တေးမင်း အထိတိုင်အောင် အကြိမ်ပေါင်းမရေတွက်နိုင်အောင်ဖြစ်

ခဲ့ဖူးပါတယ်။ ပုံသဏ္ဍာန်မျိုးစုံစွာနှင့် သံသရာကိုဖြတ်သန်းခဲ့ရသူချည်းပါပဲ။ မဖြစ်သေး

တာဆိုလို့ အရိယာတို့၏ ဘ၀ပဲ ရှိပါတော့တယ်။

ယခုမျက်မှောက်ခေတ် တာဝတိံသာမှာအုပ်ချုပ်နေတဲ့သိကြားမင်းဟာ ဘုရားရှင်ရဲ့

တစ်ခုသော တရားတစ်ပုဒ် အဆုံးမှာ သောတာပတ္တိဖိုလ် ကျပြီး သောတာပန်တည်ခဲ့

သူပါ။ လွန်ခဲ့ပြီးသော ဘုရားရှင်ရဲ့သာသနာနှစ် (၂၅၅၀)ကိုနတ်တို့၏ သက်တမ်းနှင့်

တွက်လျှင် သိကြားမင်းသောတာပန်တည်တာ (၂၅)ရက်နှင့် နေ့တစ်ဝက်ပဲရှိပါသေး

တယ်။ ဒါကြောင့် လက်ရှိသိကြားမင်းကြီးဟာ စာရှု့သူများနှင့်ကျွန်တော် တို့ဘ၀အ

ဆက်ဆက် ဖြစ်ခဲ့သော သာမန်ပုထုဇဉ် သိကြားမင်းမဟုတ်ပါဘူး။ အရိယာနွယ်ဝင်

တစ်ယောက်ဖြစ်ပါတယ်။ ယနေ့ ကျွန်တော်တို့ မြန်မာပြည်က ကာတွန်းဆရာများဟာ

သိကြားမင်းကို အပျော်အပျက်ဇာတ်ကောင်နေရာမှာ ထားပြီးမကြာခဏ ရေးဆွဲတတ်

ကြပါတယ်။ ယခုလို သင်္ကြန်ခါနဲ့နီးလာတဲ့အချိန်မှာပိုဆိုးပါတယ်။ သီချင်းရေးဆရာများ

ကလည်း အပြောင်အပျက်ထည့်ဆိုလိုက်ပါသေးတယ်။ ကြာလာတော့ ထိုအပြုအမူများ

ဟာ လူငယ်ထုများအကြားမှာပျံ့နှံ့လာပါတယ်။ လူကြီးသူမအချို့ကလည်းဗဟုသုတ

နည်းပါးခြင်းကြောင့် ဆိုဆုံးမခြင်း မပြုကြပါဘူး။ အရိယာကိုပျက်ရယ်ပြုစော်ကား ခြင်း

ဟာ တစ်ချိန် တရားအားထုတ်ခဲ့ရင် မဂ်တား ဖိုလ်တားဖြစ်တတ်ပါတယ်။ ဒါကြောင့်

ဘုရားရှင်က တရားအားမထုတ်ခင် အရိယာတို့ကို ပြစ်မှားမိခဲ့သော အပြစ်များရှိပါက

ကျေပါစေကြောင်း တောင်းပန်ခိုင်းခဲ့တာပါ။ တရားအားထုတ်ပြီး ယခုတစ်ဘ၀ထဲနှင့်

ကိစ္စပြတ်ရင် အကြောင်းမဟုတ်ပါဘူး။ အရိယာစော်ကားခဲ့သောအပြစ်ကြီးနှင့် သေဆုံး

သွားခဲ့ရင် အပါယ်ကျတတ်ပါတယ်။

ကျွန်တော်ကိုယ်တိုင်လည်း ဗုဒ္ဓရဲ့တရားများကိုမနာကြားခင်က သိကြားမင်းကိုပျက်

ရယ်ပြုဟာသလုပ်ဖူးခဲ့ပါတယ်။ အခုမှ ကိုယ့်ကိုယ်ကို နောင်တရပြီးဘုရားရှိခိုးတိုင်း

အရိယာကိုစော်ကားသောအပြစ် မထိုက်စေသောငှာ တောင်းပန်နေရပါတယ်။

ဒါကြောင့် ကျွန်တော်မှားခဲ့သလို လူငယ်များမမှားရအောင် ကြိုတင်၍အသိပေးအပ်

ပါတယ်ခင်ဗျား…….။